Broken Image

Hindi ko napigilan ang aking sarili na ihambing ang kinalakihang mukha ng Maynila. At, narito ang ilang katotohanan ng kalunsuran:

Sa higit isang dekada kong paninirahan sa Maynila, nakita ko kung paano lamunin ng alikabok ang pangarap ng mahihirap na Pilipino. Masisisi ko ang ilan, sapagkat sila mismo, hindi gumagawa ng paraan upang maabot ang mga pangarap na iyon -- na lalo pang pinaiiral ng kawalang pag-asa, puro pagtutuligsa sa pamahalaan sa kabila ng hindi pagpuna sa kanilang pagkukulang hindi na lamang bilang mamamayan, kundi bilang tao.

Naramdaman ko rin kung paano gumapang ang pangil ng kahirapan mula sa Class E hanggang Class C. Naranasan ko mismo kung gaano kapurol ang ngipin ng ilang batas Maynila. Nasaksihan ko rin kung paano natin pinupurol ang ilang akmang batas. Nabalitaan ko ang mga nalagutan ng hininga sa lungsod dulot ng karahasan, kahirapan at panunupil, ang mga inalisan ng karapatang mabuhay sa pamamagitan ng paninirang-puri, pagyurak sa pagkatao, panloloko, at iba pang uri ng pambubusabos. Ang makabagong Magdalena, silang tinatawag na ligaw na bulaklak ay patuloy pa ring namumuhay sa dilim ng Ermita at Remedios Circle. Ang mga drogista't nagtutulak ay nanatili sa nakapanlulumong bagsik ng lason nito. At, ang mga kabataang nasisira ang buhay dahil sa napakaraming dahilan, binubunton ang sisi sa iilan. Ang laganap pa ring kahirapan kasama ng kawalang-disiplina at iba pang isyung salungat sa moral at iba pang aspetong pantao.

Ihiwalay mo man ang emosyon sa katwiran, ngayon, mas nakikita ko ang kahalagahan hindi lamang ng mga batang Maynila kundi lahat ng kabataan upang sagipin ang karamdamang ito ng ating lipunan. Lahat tayo ay may kani-kaniyang talento't kakayahan upang buuing muli ang basag na imahe ng ating lipunang ginagalawan.

Underprivileged: Kwento sa Kahabaan ng Divisoria

One-Six-Eight, murang damit, apat isang daan, tatlo isang daan, murang plastik, murang prutas, murang panlaba at iba pang mura. Dito mo rin lamang makikita ang lahat ng uri ng promo -- bumili ka ng isang bag, iuwi mo ang dalawang notebook.

Dito, mabibingi ka sa ingay na nagmumula sa mga suki at parokyanong nagtatawaran, mga nanay na pilit ipinapako sa 15pesos ang 23pesos na produkto, pabaratan, sa sadsad ng kariton kapag naghahatid na sa merkado, sa ugong ng dyip para sa bagsakan ng mga gulay at prutas, sa mga nagmumurang mama bitbit ang dalawang sako ng bigas sa likuran, sa dalawang aleng nagkakapikunan, sa dalawang batang naglalagkitan na ang mukha dahil sa sago, sa mga pawisang kargador, wala pa diyan ang tahimik na angilan ng mga taong nagbabanggaan. Nakakapagod mang suyurin ang kahabaang iyon, sulit naman sa pagkakakilala ko sa kabilang bahagi ng aking kinalakihang Maynila.

Hindi na lingid sa ating kaalaman na ang kahabaan ng Divisoria hanggang sa ngayon ay isa sa naging lunduyan ng masang Pilipino pagdating sa produktong mura.

Kung ika'y matalinong mamimili, dito ka makakatagpo ng produktong mura ngunit hindi sinasakripisyo ang kalidad.

Kung hindi ka tatagal sa kaligirang nais ipabatid ng DV, hindi dapat mabahala dahil may de-aircon na Tutuban Mall para sa iyo -- murang pantalon, murang blouse, rolyo ng tela, sapatos, lahat! -- mas lutang pa rin ang bagsak-presyo kumpara sa ibang mall. Sabi nga nila, "ambiance kasi ang binabayaran mo sa ibang mall."

Sa kabila ng lahat ng ito, mas nakapukaw-pansin ang iba pang anino ng kahabaang iyon.
Samahan mo man ng panalangi't dasal, doon masasaksihan mo ang tila mailap na pag-ikot ng kapalaran -- sa mga lalamunang uhaw at kalamnang gutom. Madalang ang paghawak ng mga rukhang palad sa pinagkakait na piso at ilang barya. Kung susuriin mo ang lansangang iyon, makikita mo ang kabilang bahagi ng mundo ng Maynila -- pinauunlad ng mga lokal na mamumuhunan at ng mga karaniwang tao. Hindi sa mga tindahang hinahawakan ng mga Tsinoy, pero sa mismong tindahan sa bangketa, sa gitna hanggang sa takluban na ang buong Ilaya at Recto. Masisilayan mo sa dami ng isda sa banyera o sa dami ng nakasabit na laman ng baboy at baka, ang pangangailangan ng nagtitinda nito. Tinataga ka man ng init ng araw, para sa masa, mas pipiliin mong salubungin ang kalsadang iyon at hawiin ang dumi't alikabok, maka-una lamang sa mga mura at masaganang tinda ng Divisoria.

---------
*Alam niyo ba? Divisoria goes global.
Sa sobrang sikat ng Divisoria, may website na divisoria.com, at ang tagline nito ay "The Global Filipino Store":)

Pambansang Araw ng Bandilang Pilipino

Ngayon, Mayo 28, 2008 ang Pambansang Araw ng ating bandila. Paghahanda rin ito para sa nalalapit na pagdiriwang ng Araw ng Kalayaan/Kasarinlan sa darating na Hunyo 12.

Ipagbunyi ang lahing Pilipino. Ipagbunyi ang pagiging Pilipino.

"Bayang magiliw, Perlas ng Silanganan,
Alab ng puso sa dibdib mo'y buhay,
Lupang hinirang duyan ka ng magiting,
Sa manlulupig 'di ka pasisiil."

Today's Top Stories

27th of May,'08

1. Malabo sa ngayon ang nagbibigay ng liwanag. In the news, Meralco face-off begins today. Auditing firm SGV and Co. this afternoon started tallying the votes for the nominees in the 11-man board of the Manila Electric Co. following a temporary stoppage due to a cease and desist order issued by the Securities and Exchange Commission (SEC). On the other hand, Winston Garcia of the Government Service Insurance System(GSIS) left in a hurry shortly after 2 p.m. as the annual stockholders' meeting ended. At a press conference, Garcia tendered his warning to file charges against Meralco management for contempt because of the non-compliance with the SEC order.

2. No free lunch. There might be text messaging overload if the government will insist its measure to facilitate "free unlimited texting". A solon said on Monday that allowing mobile users to send text messages for free could lead to crashed mobile phone networks (Globe, Smart, and others) and a flood of unwanted promotional text messages.

3. "It's too late, Madame President!", the cry of students and school administrators may sound like. The order of President Arroyo for a moratorium on tuition hikes Monday was described "too late," as enrolment period in some schools have already started while others will close in a few days. "The appeal came too late, because the consultation is done in February, when we talk about the proposed budget for the incoming school year," Philippine Association of Private Schools, Colleges, and Universities (PAPSCU) executive director Joseph Noel Estrada said.

But for state universities who do not belong to this case, they may stop dwelling on huge statement of accounts and accept this moratorium, however, the planned budget for this coming school year will completely suffer. As for parents, this is nothing but a good news.

Meanwhile, the trade-off remains to be seen.

4. As part of continuous naming of names, Brig. Gen. Romeo Prestoza, the current chief of the Presidential Security Group, said Tuesday that he will be transferred to the Intelligence Service of the Philippines come June 3, radio dzMM reported. The PSG chief said that he will be replaced by Brig. Gen. Celedonio Boquiren Jr. of the Air Force. (ABS-CBN News)

I see, we have now the newly installed spy master.

Pag/tulog

Nag-aagaw ang dilim at liwanag.
Nakapikit man, gising pa rin ang aking diwa.
Hindi na gumagana ang behikulo ng salita.
Hanggang sa ang ulirat ko'y tuluyang nawala,
At ang tangi kong alam ay ang pagpasok ko sa panibagong daigdig.

Hanggang sa tuluyan nang lamunin ng dilim ang paligid ko.
Wala na akong nakikitang bakas ng totoo.
Iniluluwa ng isip ko ang mga pantasya ko.
Ang pangarap ko.
Ang lahat ng di ko makuha.
Ang lahat ng di ko maabot.
Ang kinatatakutan ko.
Dito ko lang nararanasan ang lahat ng ito.
......................................................................................................................
......................................................................................................................
.........................................................................................................................
At ngayon, hindi mo alam kung anong nasa isip ko.
Hindi mo alam kung anong tumatakbo sa isip ko.
.......................................................................................................................
........................................................................................................................
........................................................................................................................

Hanggang sa sinalubang ako ng kabaligtarang anyo.
Malinis na ang landasin ng behikulo ng salita.
Tuluyan nang bumangon ang aking diwa.
Lantaran muli ang talastasan ng aking ulirat.
Tulog ako, pero gising naman sa daigdig na iyon.
Tsaka ko rin lang nalaman nung nagkamalay na ako.
At, ikukwento ko sa iyo kung anong daigdig yaong pinasok ko.
Ang binagtas ko sa pagkalas ko sa temporaryong mundo.
Maging iba man ang bersyon, ikukuwento ko sa iyo ang panaginip ko,
kung gusto mo.

-------------
Ang pagkawalay ko sa katotohanan patungo sa isang panibagong daigdig, ang paghulagpos sa pagkakakapit sa maluhong daigdig, mula sa pagkakahimbing.

Tabalits 101

1. Kapag nagsasalin ka ng salita, ang isinasalin mo ay hindi talaga ang salita kundi ang diwa nito.

Bigay tayo ng halimbawa, "Watch your steps".
Kung literal ang salin, maaring maging: "Orasan mo ang iyong mga hakbang"
Ngunit ang tunay na pagkakagamit ng "watch" dito ay bantayan o tingnan.

2. Si Karen Davila ng TV Patrol World ngayon ay dating kabahagi ng Saksi kasama sina Mike Enriquez at Mel Tiangco. Naging host din si Davila ng Extra! Extra! katapat ng Balitang K ni Korina Sanchez.

3. Ina ng musikerong si Wency Cornejo si Mel Tiangco. Pinasikat ni Wency ang kantang Hanggang at marami pang iba. Itinapat bilang flagship newscast ng GMA-7 ang Frontpage: Ulat ni Mel Tiangco sa TV Patrol ni Sanchez.

4. Ang konsepto ng newscast na Bandila ay: tatlong bituin, tatlong batikang mamamahayag, sa ngalan ng bayan. Inisyatibo ng Dos na itapat ang newscast na ito sa drama o soap ng ibang istasyon upang manguna sa pagbabago ng television news gathering at television journalism landscape.
Ces: At nagdaan na naman po ang isang araw ng pagbabalita.
Henry: Isang araw na bahagi na ng kasaysayan.
Korina: Sa ngalan ng Bayan, sa ilalim ng nag-iisa nating Bandila.

5. Hinihikayat tayong iboto ang underground river ng Puerto Princesa City, Palawan na mapabilang sa New Seven Wonders of the World.sevenwondersoftheworld.com -- pwedeng bumoto on-line.

TV Patrol dati:


6. Si Kim Atienza ang opisyal na pinagpasahan ng habilin ng walking dictionary at noo'y weatherman na si Ernie Baron upang pumalit sa kanya.

7. Hanggang sa ngayon, Serbisyong Totoo pa rin ang tagline ng GMA-7 kumpara sa ABS-CBN na nagpapalit palit na.

Defense

Para may alam tayo sa kasalukuyan:

In the midst of reckless word wars between the Lopez's and their antagonists, Maria Ressa, the head of ABS-CBN News and Current Affairs sheds light on how her department is being affected by today's Meralco issue.

It can be noted that Lopez clan is the primary stockholder of Meralco and at the same time, the owner of TV Station, ABS-CBN.

Others say that there has been quick diversionary tactics on the part of the station's news department to protect network's interest since then.

Here's the whole article of Ressa's rebuttal, from the website of RG Cruz.

Click here: "Maria Ressa Speaks for ABS-CBN."

Sarili o Panahon?

Timbangin.
Aling ang mas halaga ang sarili o ang panahon?

Kung inaakala mong hindi sila pwedeng ikumpara, nagkakamali ka.

Tayo ay nabubuhay sa isang panahon.
Dakila ang buhay na ginugugol sa isang magandang adhikain.

Kung inaabuso mo ang kalusugan mo.
Kung nilulustay mo ang pera sa pagbili ng markang demonyo.
Kung mas inaatupag mo ang layaw ng iyong bisyo -- sa alak/alkohol,sa sigarilyo, sa sugal, droga at iba pa.
Kung pinababayaan mong lasunin ng mga ito ang sistema mo.
At hinahayaan mong maging miserable ang buhay mo.
Wala ka na ngang makain.

Sinasayang mo ang panahon mo.

Hindi na masama ang isang pakiusap na huwag kang mandamay.
Huwag kang manira ng iba pang buhay, kung hindi ka handang tanggapin ang mga kamay na handang tumulong sa iyo.
Dahil habang sinasalba ka ng isa, hindi mo man sadya, maaring hinihila mo silang pababa, maaring kumikitil ka ng mas maraming buhay.

Pang-ilang bote mo na? Ilang beses mo na rin sinayang ang pagkakataon mong umunlad?
Pang-ilang pudpod mo na ng upos ng sigarilyo? Pang-ilang pudpod mo na rin ng tiyansa para magbago? Sa bawat hithit, ilan na sana ang nagawa mo?
Sayang ang panahon para umunlad at magbago.
Sa SOBRANG bisyo, umiikli ang panahong makita mo pa ang kinabukasan ng mga taong mahal ka at ng mga taong mahal mo.

Sa pagsayang mo ng iyong panahon, sinasayang mo rin ang hiram na buhay mo.
Muli, tayo ay nabubuhay sa isang panahon.
Ngayon, alin ang mas matimbang? Mayroon ba o parehong mahalaga?

Today

1. Noted death.

Anakpawis Representative Crispin "Ka Bel" Beltran, 75 years old, passed away this morning (declared dead at 11:48am). Momentarily, flash news presented its lead by a story of an accidental fall of Beltran in his house, reasons are yet to be investigated. His cohorts, members of other party list groups, his friends from media and politicians are expected to advance their respect to Beltran as a leader and a fighter of people's will. Meanwhile, this afternoon there have been rumors and side stories that a special recognition would be given to him within the period of mourning.

It can be remembered that Beltran was among the Batasan 5/6 who staged fearless allegations against the government of Arroyo and has accepted a wide support from the Filipino people. The political realm embraces this as a noted death of a victorious pro- Filipino activist.

2. Restrained fare increase.

The well-diffused plan to increase fare from the current P7.50 to P8.00, and the revised matrix thereof has been suspended yesterday after LTFRB and other government transportation bodies have shown their red lights for 2 days now.

Pero, bukas tuloy na tuloy na ito!

3. Turning seats.

As part of GMA's cabinet revamp, Ricardo Lirag Saludo now holds the position as chief of the Civil Service Commission while Former AFP Chief Esperon assumes his post as chief of peace process. As reported, the position left by the latter is now occupied by General Alexander Yano. Gen. Esperon's appointment earned a wave of negative remarks, as people predicts militarism will reign over peace processes, majority of the people interviewed over the radio prefer a lawyer -- described as the right and justified man to do the job. Other key military positions are now reorganized and many new faces can be seen representing their offices.

Defense Secretary Gilbert Teodoro, on the other hand, is being eyed to replace Justice Secretary Raul Gonzales. President Arroyo, in the news, says the turning and shifting of cabinet seats will soon be revealed but for now, the entire issue is kept secret.

Cabinet positions are not made to please military officials.

4. Traces of Destruction.

As typhoon Cosme leaves the Philippine Area of Responsibility and is moving closer to Japan, cases of deaths and destructions are constantly reported. The entire Pangasinan remains to be in total black-out after the typhoon has exerted its maximum strength. Parts of Bulacan remains to be flooded. Cosme as of 11 am has caused major destruction of properties amounting to at least eleven million. According to NDCC, the infra damage is at P15.08 M and will go higher. It can be observed that even in Manila few days ago, wind was in its utmost blow.

5. China Quake.

Around thirty four thousand lives were killed after that hilarious 7.8 magnitude peak of an earthquake. State media has reported that until now figures are still growing. More than knowing the worth of properties destroyed, China government intensifies its effort to recover if not revive bodies that are suspiciously trapped if not buried within areas like schools, markets, establishments and other buildings which dome great number of people.

Taking this as an alarm, the Department of Public Works and Highways (DPWH) on Tuesday said it will inspect old government buildings and hospitals to ensure the safety of these buildings in the event of natural disasters.

May X sa Tren

Bumati sa akin ang isang maambong araw.

Bitbit ng nakararami ang kanilang payong habang suot naman ng iilan ang kanilang jacket.

Bukod sa paglista ng palasak na pathway niyo, napansin ko ang kakaibang mundong pilit ipinaiitindi sa akin ng behikulong may sariling landas at may sariling espasyo. May boses na maririnig kung saan hihinto at kung ano ang susunod na destinasyon. Tumutunog na pinto. Sasarado. Bubukas.

Sinasabing ang iba't ibang uri ng tao ay dito mo makikita. Iba't ibang emosyon. Iba't ibang galaw. Iba't ibang pinagkakaabalahan.

Kung malapit ka sa estribo nito, agad mong mapapansin ang pagpasok at paglabas ng mga parokyano nito. Pipila. Bibilhin ang kapirasong kard na nagsisilbing pasaporte sa paglahok at pagkalas sa sistema nito. Minsan, sa tatlumpung segundo bago ka pagsarhan, kinakailangan mong humaripas sa pagtakbo.

Makulay. May naka-asul. Naka-pula. Naka-puti. May naka-itim. Naka-lila. May multi-colored. May panakanakang magkakatulad na damit. May kanya kanyang projections -- naka spaghetti, sleeveless, plantsadong damit, acid wash na pantalon, ipinagmamalaking tatak ng bag, brief, damit at iba pa. May revealing, may conservative. Bukod sa mga bagay na ito, hindi rin pahuhuli, lalaki man o babae, ang pagpapakita ng kung anong meron sila -- iPod, N Series, MP3, MP4 at iba pa.

Samantala, pag napalinga ka sa malamig na sahig, hindi mawawala ang kultura ng Havaianas at ang mga kamag-anak nitong flip-flops. Iba't ibang pares ng sapatos. Iba't ibang moda at mukha -- may pabilog, may matulis, may maputik, may makintab, may simple, may nagyayabang.

Iba't ibang tatak. Iba't ibang uniporme. Iba't ibang propesyon. Iba't ibang tao.

Sandaling tingnan ang mukha ng iilan, makikita mo ang isang kahanga-hangang obrang nagpapakita ng damdamin. May napapangisi sa pagbasa ng txt message. May abala kung papanong puwesto ang gagawin upang hindi talunin ng puwersang lumalaban mahusay man ang tindig. Kanya-kanyang hawak, kanya-kanyang kapit. Sa kabilang banda, may nanamantala sa 30 minutong biyahe nito kung dulo-dulo ang babagtasin mo, inaangkin ang ilang minuto upang umidlip.

Ang iba, nag-iisip kung papaupuin ba niya ang lola sa kanyang harapan. May nakokonsensya sa hindi niya pagpapaupo sa buntis kanina pa lamang sa simulang terminal. May mga taong may nakikipagtalo sa isip kung saan dapat akmang bumaba ayos sa kanilang pupuntahan. May nag-iisip kung paano sila paglabas dahil umuulan. May abala kung paano tatakpan ang sarili sa sobrang ginaw. May naiinis dahil hindi makaya ang amoy ng katabi. May nayayamot sa sari-sari at nagtatalong amoy ng kulob, pabango, cologne at amoy ng katawan. Umaasang matapik ang mamang nasa harapan niya at pakiusapang ibaba nito ang kanyang kamay upang hindi maamoy ang kili-kili.

May tuliro kung ano ang ihaharap sa kapwa pasahero sa pagbalandra niya 'pag malapit na siyang bumaba -- ang mismong harap o ang puwet. May nakalaylay na ang nguso sa sobrang pagod at gutom. May soundtrip. May mag-irog. May masungit na lola. May supladang ina. May supladong mama. May emo. May ingat na ingat na hindi siya marumihan dahil nakaputi siya, ingat na ingat na magalusan ang bagong biling sapatos o tsinelas. May nag-iisip ng kung anu-anong angst, problema at iba, pansamantalang ginagamit ang oras upang subukin, na baka makaisip sila ng solusyon sa mga ito -- pera, tuition ni bunso, nambabaeng mister, disconnection notice ng Meralco, Nawasa at PLDT, promotions, flirts, love life, load, tsismis at iba pang isyung hindi ko na kayang basahin kahit pa maglip reading ako.

Sa pagsakay ko rito, mas nadarama ko ang halaga ng panahon at ang oras, kasabay ng salungat na direksyon ng aking tatahakin, ang napakabilis na paghabol ng aking mata sa mga bagay sa labas. Kapag sumakay ka rito makikita mo iba't ibang istilo sa paggamit ng oras, ang kanya-kanyang paraan upang sulitin ang hiram na oras ng paglalakbay.

Higit sa lahat, may perstaym na hindi alam kung saan ba dapat ilingon ang leeg upang tanawin ang labas -- mga landmarks, billboards, buidling, simbahan, mall.

Kinakabahan sa tuwing ipapasok na ang card sa inlet ng entrance at exit.

Bukas Ba Ang Third Eye Mo?

Sa Pilipinas, ang third eye ay isang konseptong kinakatawan ng mga natatanging taong may ganap na kakayahang sumalikop sa daigdig na sadyang iba sa mundong kinalalagyan ng sangkatauhan. Ekstraordinaryo, ito ang salitang makapaglalahad ng tunay na larawan ng mga taong mayroon nito.

Bagaman tayo ay nabibilang na sa mundong may malakas na impluwensya ang teknolohiya, may ilang sitwasyon na magbibigay patotoo na marami pa rin sa ating paligid ang hindi natin lubusang maiintindihan.

Pilit mang ikinukubli ng pagkakataon ang mga kuwentong naglalarawan sa third eye, hindi pa rin maiaalis ang pagdaloy ng mga natatanging kuwento nito patungo sa makabagong panahon. Ikinakahon man ang konsepto ng third eye bilang bahagi lamang ng mga lumang kuwentong bayan at elementong resulta lamang ng pagkalayo sa urbanisasyon kundi sibilisasyon -- ito ay isang bagay na bumubuhay sa ideyang sadyang may mga bagay na hindi mabibigyang katuturan ng tao at ng agham.

Kababalaghan man para sa iba, Malas naman ang tingin ng ilang grupo. Anuman ang tindig ng bawat indibidwal sa puntong ito ay maisasabalikat na lamang sa dahilan nagkakaiba-iba ang tao. Maaring lingid nga sa kaalaman ng mga tao ang konsepto at tunay na ideya ng third eye dahil sa napakaraming salik: (1) pagkatakot na harapin ang katotohanan ng third eye; (2) pagkatakot sa epekto ng third eye dulot ng ilang kuwentong may masaklap na pagkakalahad; (3) kasalatan ng mga tagapaghalina sa paksa tulad ng komunikasyong pangmasa .

Ang third eye ay maaring katutubo at aktwal nang bukas para sa iba samantalang kagustuhan naman ng iba ang pagpapabukas nito. Ang hiwaga at misteryo ng third-eye sa kasalukuyang panahon ay maaring umani ng iba’t ibang reaskyon katulad ng inaasahan. Subalit nararapat isaisip na ang pagkakaroon ng bukas na third-eye ay hindi kailanman kasalanan ng kung sino man, ito ay isang istrukturang nagtatagli pa rin sa kasalukuyang kamalayan at lunduyan ng mga elementong hindi nakikita. Ang third-eye ay hindi piksyon, kathang-isip o produkto ng tinatawag nilang subconscious mind.

Nanatili sa ating mga tao ang magiging tadhana ng third-eye. Ngunit bilang kabahagi ng lipunan, hindi nararapat makadama ng anumang pagtatangi o pagtatambis ang may mga bukas na third-eye. Nararapat lamang linawin na sila ay hindi iba sa lipunang ating ginagalawan.

To the Mythic Women of the Place Called Home

"To write a sketch about my mother, to create a poem about her, or simply to describe my mom, would be to illustrate a thunderstorm in its enormous power, a ruler in her greatest command, and a chaos in its incomparable form."

"Her story is a colorful masterpiece in its own!"

- YPF

Happy Mother's Day Mom!

Maligayang Pagbati Sa Iyong Ina,
Maligayang Pagbati sa Lahat ng Ilaw ng Tahanan!:)

Straight from my Journal

Before I erase them.

On Development Research:
"Undertaking careful and detailed research is not at all the same as doing nothing: it is an essential first step towards directing a successful development program."

- International Development, Growth and Change by H.W. Singer

On Development Aggression:
"More aggressive attempts at territorial expansion were made by some older large nations as they acquired the greater power inherent in modern economic growth."

- Modern Economic Growth: Rate, Structure and Spread by S. Kiznets

On Social Problems:
"There are persuasive arguments for each answer, but most people believe that aggression must be examined and understood in its socioeconomic context and not as a purely instinctual biological phenomenon."

- Social Problems by B. Wright and J. Weiss

Ang Kasalukuyan

1. Sa isyu ng kidney ban

Ang pagbebenta ng kidney o ng kahit anong bahagi ng katawan ay isang kritikal na isyu para sa mga tagapagtangkilik nito. Una, ang pagban sa bentahan ng kidney ay isang pagpataw umano ng "deliberate death" sapagkat sa pananaw, ang pagpigil sa bilihang ito ay ang pagtatanggal din ng karapatan para dugtungan pa ang buhay ng isang may kailangan. Ikalawa, nararapat malaman ang kaibhan ng nagbebenta sa nagkakawang-gawa. Ang desisyon ng kidney seller ay dapat sasaklaw lamang umano sa kamag-anak o kapamilya, bunsod nito, umani ng pambabatikos ang mahihirap na sektor o mamamayang hikahos, ayon sa kanila, ito ay itinurin na nilang "hanap-buhay". Samantala, hindi pa rin naman nawawala ang mga taong ipinapalagay ang pag-aalay ng body organ bilang isang sakripisyo at malugod na gawain. Ikatlo, hindi pa rin nawawala ang pamantayang moral at etika, na ang pagbebenta ng kidney ay pagpapasailalim sa maling gawi ng buhay (pag-abuso sa katawan o kaya nama'y pakikipaglaro sa kamatayan).

P50,000 hanggang 100,000 ang bentahan ng kidney.

2. Butil ng Bigas

Ang pinakamurang komersyal na bigas sa panahon ngayon ay nasa P27 hanggang P30 kada kilo, kumpara sa NFA Rice na P18.50 hanggang P20.00. Ang iba, may pambili man, wala namang mabili. Kaya hindi nakapagtatakang sa paglalakad ko sa Faura, ang nabutas na plastik na may 1 kilong bigas, matiyagang pinipili sa kalipunan ng alikabok, putik at dumi.

Sa kabilang banda, patuloy pa ring iginigiit ng pamahalaan na sapat ang rice reserves para sa susunod na tatlong buwan kasabay ng panahon ng anihan. Nito lamang nakalipas na buwan (Abril), isang imbakan ng bigas ang nasiyasat, at nakitang nabubulok na ang may 50 sako na nakatakdang bilhin ng NFA.

3. Gokongwei Wants Petron

Ito ang banner story ng pangunahing pahayagan ngayon.
Sa pantayong pananaw, makikita kung paano mag-isip ang kapitalista sa kapwa kapitalista.
Name it, they'll get it, ganito kadali.

4. Magulang sa loob ng Pamantasan

Hindi normal sa loob ng isang state university ang makakita ng kumpol kumpol na magulang sa tanggapan hanggang sa bulwagan ng pamantasan. Kung dati rati'y mayorya ng estudyante ang sariling sikap sa pag-eenrol, ngayon, tila mga kinder na bitbit ang kanilang mga magulang. Kung susuriin, hindi na masama ang senaryong ito, sa perspektibo ng mga maiingat. Bakit?

P 300 kada unit ang tuition na nangangahulugan ng mas malaking perang bitbit sa araw ng enrolment. Kung sa seguridad lang din ang basehan, walang mali sa pagsama ng nakatatanda lalo na kung hindi sanay sa kalakaran ng lansangan partikular sa Maynila. Maaring sa loob ng pamantasan ligtas ka, pero hindi sa ibang lugar. Nakakapanibago lang.

5. PGMA sa Korte Suprema

Dalawang magkasunod na araw na ang pagbisita o pagsadya ng Pangulo sa Korte Suprema. Una, upang ayusin ang kaso ng mga rice hoarders. Ikalawa, upang madaliin ang ilang kasong hindi pa naisasampa hanggang sa ngayon. Ikatlo, iba pang kadahilanan.

Kasabay nito, nagdulot ito ng mabagal/mabigat na daloy ng trapiko sa panulukan ng Faura at Taft. At dahil, iisa lang ang iniikot ng mga dyip, masikip ang lahat ng bukana ng lansangan. Isama pa natin ang mga OB (out broadcast) van ng media na nakahimpil sa tapat at kahabaan ng Korte Suprema. Mabuti at nagagawan pa rin ng paraan ang pagpasok at paglabas ng mga ambulansya ng PGH na kapit-bahay rin ng nasabing institusyon.

Mood Swings

Hindi ko lubos maisip na magbabago ang kanyang ugali sa nakalipas na dalawampung oras. Hindi ko alam ang dahilan. Hindi ko alam kung saan ko kukunin ang ngiting sanay kong ipakita.

Hindi ko alam pero sa mga oras na ito, ngayon ko nararamdaman ang buong kapaguran. Naiisip kong muli at nabibigkas na pagod na nga ako. Napapagod akong alamin ang dahilan kung bakit nagbabago ang ilang inaakala kong hindi. Napapagod akong alamin ang mga hindi ko alam at hindi ipinapaalam sa akin. Liban sa mga ito, titingnan ko rin ang puntong minsan kasalanan nga rin ba ang alamin ang mga hindi na dapat malaman?

Nababawan ako, hindi ko alam kung nararapat ba ang mukhang iyon para sa kanya. Hindi ko alam pero biglang sinakluban ako ng galit sa kaniya dahil ayaw niya mang ipaalam, ipinadadama niya. Nagbago ng walang kamalay-malay. Naging malamig siyang bigla.

Umaasang sa sandaling iyon kaibigan ko pa ang mundo.
Hindi ko alam ang ginagawa ko.
Hindi ko alam kung kaibigan ko pa siya.

Ilang saglit na pagsalikop sa emosyon.
Ilang minutong pag-aalangan.

Maya maya, bumalik na sa dati ang lahat.
At ngayon, kaibigan ko pa rin silang lahat -- kabilang ang mga salita at ang aking sarili.